West Garo Hills ni District Legal Services Authority (DLSA) Legal awareness program cum training ko Anganwadi aro ASHA kamko ka·giparangna mijal salni bako Tura ni District and Session Court Conference Hall o ong·atangaha.
Ia program-o Tura DLSA ni Chief Legal Aid Defence Counsel Rania K. Marak Free Legal Service, Women’s Rights, Sexual Harassment at Workplace Act 2013, POCSO Act rangni bidingo sorkarini dongimin niam reti rangko Anganwadi aro ASHA kam ka·giparangna agan talate on·angaha. Unbaksana Tura DLSA ni Legal Aid Counsel Sinjia Momin Free Legal Aid, F.I.R, Tele-Law Service rangni bidingo agantalate on·aniko dakangskaaha.
Sorkarini dongimin niamrangko aro bilrangko mande sakantian u·i ma·sie ra·na man·agita dingtang dingtang biaprangona re·ange mikrakataniko on·an baksa agantalate on·anirangko Tura ni DLSA batanggimin salrangonin dakbaenga.
