Be∙ennigita dingtang dingtang dake bilgrianiko man∙gipa manderangni bidingo Awareness Program ko Williamnagar Government College o ong∙atangaha. Ia program o District Social Welfare Department ni ning∙o pilak man∙gnirang jekai Unique Disability ID (UDID) nigita dakchakani, scheme rangni gamchatani aro minggipin cholrangko agantalate on∙angaha. Unbaksana gisiknigita an·seng baljoke dongani, chadambeoni an·o dongani, pekgipa bosturangko jakkale nosto ong∙giparangna dakchakgipa scheme ni ning·o uamang namgniko man·a u∙iatnagita agantalate on∙angaha.
Ia programko District Social Welfare nigita District Rehabilitation, District Mental Health aro UDID baksa bakrime collegeni chatro chatrirangna skie on∙a miksonge ong∙atangaha. Ia man∙gnirangko u∙ie ra∙anichi chatro chatrirang bang∙a be∙enni bilgrianiko man∙enggipa manderangna dakchakaniko dangdike on∙a u∙iataniko dakangaha.
