Rama tarianiko jako ra∙gipa contractor rangni bostu chu∙onggija jakkale aro simsakgija ramarangko tarianichi bang∙a songrang neng∙nikaniko chagrongenga. Indakgipa obostarangko an∙ching Garo Hills ni adita kona noksikni biaprango bang∙en niknagita man∙rongenga.
Apsan daken Gambegre oni 9th mile Adugri ona tarianggipa PMGSY rama jagni gapgijan nosto ong∙anina wilwilao donggipa manderang uamangni suk ong∙gijaniko parakate Ku∙rongdik na u∙iatangaha. Re·a doanirango uamang neng∙nikanirangko man∙enganina aro somoi ru∙utgijani gisepon manderangni jakkalenggipa ia gamchatbegipa ramani nosto ong∙anina jako ra∙e kam ka∙gipa contractor ko uamang matnangataha.
Ia ramako jakkalenggiparangni neng∙nikanirangko ma∙sichake tarake taripile on∙chinagita jolo songdongenggipa manderang mol∙molanikoba dakangaha.
