Resubelpara C&RD block ni ning∙o man∙gipa Nishangram Babupara songna Swachh Survekshan Grameen (SSG) ko name ja∙rike rongtal an∙tale songsalko rakkianina chubatgipa gadangni boksisko on∙angaha. Ma∙mong sorkari ia scheme ko pilak manderangna rongtal an∙talaniko ja∙rikna aro bakrimaniko man∙a a∙bachengataha jeon NGH a∙jao Nishangram Babupara nambatgipa ong∙e boksisko man∙angaha. Ia boksisko man∙aniara songni manderangni bakrimanichi aro ku∙cholsan ong∙anichi man∙aha ine songo songdongenggipa saksa Ku∙rongdik na parakataha.
Swachh Survekshan Grameen ni gita Meghalaya a∙dok Swachh Bharat Mission ni ning∙o name dakgiparangoni a∙dok ge∙sa ong∙a. Chonbegipa song ong∙genchimoba uamangni namgipa dakmesokanina songni dilgipa saksa sakanti jatska songgipini manderangko rongtal an∙talaniko jarike songtangko sabisioni naljoke rakkichinaba mol∙molaniko dakangaha. Songni nambee bakko ra∙anina department o kam ka∙enggiparang rongtal an∙talaniko ja∙rikchina manderangna mikrakataniko on∙agita songna mande ra∙an baksa boksisko pakwatangaha.
Swachh Survekshan Grameen ni gita a∙dokni dingtang dingtang a∙jarango donggipa songrangni rongtal an∙talaniko rakkiani aro songni manderangni ku∙mong nangrime songtango Swachh Bharat Mission ko name dake ja∙rike kam ka∙anirangko nigrike boksisrangko on∙ronga.
