Daribok songni game ge∙e cha∙gipa Agroecology Learning Circle (ALC) dolrang jolo donggipa Daribok SSA skulni me∙su baganrangko tarie on∙a dakchakangaha. Ia chonchongipa baganrangko dakanichi skulo poraienggipa bi∙sarangna rongtal an∙talgipa aro sam bringijagipa me∙su samjakrangko ge∙na ranta ka∙aniko dakna re∙chakatgipa ong∙a. Daribok ALC dolrang ge∙sa game ge∙e cha∙gipa dol ong∙e ia somoio ge∙gimin me∙surangna aro baganna guarerangko ka∙na dakchakangaha.
Skulni baganrango me∙su samjakrangko bi∙sarangna Mid-day Meal on∙anio jakkalna gita ge∙aniko dakaha. Garo Hills ni bang∙bata SSA skulrango me∙su baganrangko dake skigiparang bi∙sarangna ia namgipa rantako ka∙dilenga. Ian ma∙mong sorkarini samgrigipa me∙su samjakrangko ge∙na manderangko didiatna re∙chakataniko ja∙rikaniba ong∙enga. North East Slow Food and Agrobiodiversity Society (NESFAS) dolrang batanggimin chasongrango samgri ge·a gamanichi be·ena rongtalgipa cha·aniko on·ani gimin, apsandakgipa ge·a gamanirangko ja·riktaichina a·jao songdongenggipa manderangna ALC ni gita pilak biaprangon skie on·anirangko dakangenga.
