Da∙al salni bako All Mankin Chra Association ni Foundation Day ko skanggipa changna ong·ate Tura ni District Auditorium o tom·aniko dakangaha. Ia tom·aniona Garo Hills ni dingtang dingtang a·jani Chra rang aro dilgiparang re·bae bakko ra·angaha. Tom·aniona Mankin Association ni General Secretary Pollison Mankin sokbagipa pilakon rimchaksoani kattarangko aganan baksa Chra rangni nama bewalo daka rikaniko u·ie ma·sie ra·na nanganirangko agantalatangaha.
Apsan daken ia tom·aniona gitcham IPS S G. Momin aro GHADC Nokma Council ni President mongsonggipa sokgipa ong·e bakko ra·angan baksana songsalo janggi tanganio a·song chiga, do·o mat, buring bolgrim aro jatni gamjinko simsake ripinge rakkichinaba mol·molaniko dakangaha. Association ni President Rakkan Mankin chawari sika ba chawari sing·a bewalko dakmesokan baksana mil·am, sepiko jakkalani aro grika toreani bidingo agantalate skie on·angaha. Unbaksana mande siani somoio dakronggipa bewalrangkoba Association ni President agantalatangaha.
