East Garo Hills a∙jao achak den·e palnagita badingna ra·angenggipa gariko A∙chik Holistic and Awakening Movement (AHAM) Songkama unit dolrang da∙al salni bako rim∙nagita man∙aha. Garioni adita gam∙anirangko aro a·chakrangni mikoaniko knae AHAM dolrang Songkama reserve buring ramao gariko dondikate am∙sandianiko dakon garini ki∙sango bang∙a achakrangko bostao kachipe ra∙baako niknagita man∙aha.
Sing∙sandianiko dakanio gariko chalaigipa mande dingtang dingtang biaprangoniko achakrangko rim∙chimonge brena am∙giparangna badingskaaniko dakenga aro uamang den∙eming bijak song∙e palskaenga ine ku∙rachakaha. Uamangni ra∙baenggipa achakrangko watatpiltokaha aro dosi dakgipa mandeko mikkangchi indaka kamrangko ka∙piltaijachina ka∙mikkenate watataha.
Koborrangko man∙ani gitade Tura oni Williamnagar re∙gipa ramajolo achak be∙en song∙e palanirangko dakkuenga ine ma∙sina gita man∙enga, jean manderangna achakoniko sabisi man∙atna altubeani ong·gen ine AHAM dol u∙iataniko dakangaha.
