Directorate of Mineral Resources of Meghalaya ni u∙iatanio adita manderangni bimingrang baksa uamango badita koela dongachim uko chittio mesokataniko adita kakketgijanirang dongkuenga ine nipiltaianiko dakchina Meghalaya a·dokni Human Rights and Anti-Corruption Youth Power of India-ni President Kingstone Bolwary aro Social Activist Ropul S Marak a∙dokni Retired Judge Justice Katakey na da∙al salni bako mol∙molani chittiko sedoangaha.
South Garo Hills a∙jani manderangni u∙iatani gitade, koelako badingna gita je manderangni bimingrang nakatahachim, uamango chu∙gimik koela dongani chittio janapaming namen dingtanggrika ine u∙iataniko on∙angaha. Ia dingtanggrikaniko nike koela badingna biming nakatgipa manderangni koela dondamgipa biapona re∙ange porikka ra∙e nieaniko dake a∙dokni High Court ona report ko on∙echinagita u∙iataniko dakangaha.
