Meghalaya a∙doko atchidaldaloni bilsi chet ona ong∙gipa bi∙sarangko an∙seng baljoke rakkiani aro name dal∙atani bidingo nambate kam ka∙angna Social Welfare department aro Education department ni gita chanchirimaniko dakangaha ine Social Welfare Minister Paul Lyngdoh koborna parakataha.
Ia tom∙anio Education Minister Rakkam A Sangma, Education Departmentni Advisor HM Shangpliang aro gipin dilgiparang bakko ra∙e chanchirimaniko dakangaha. Early Childhood Development Mission ko a∙doko nambate kam ka∙angna gita dingtang dingtang dakna nanggni kamrangni niamrangkoba tarie ra∙baenba chanchirimangaha. Unbaksana sorkarini ia miksonganiko chu∙sokatna aro kamrangko ka∙na gita cholrangko sandichina gita departmentrangko ge∙etanikoba dakangaha ine Lyngdoh parakataha.
