South West Garo Hills a∙jani Wakantagre song sepangjolo niam gri bol badingsruke salangenggipa gari bolsako adita NGO dolrang neng∙takate rim∙na man∙aha ine koborko parakataha. Ia bolrangko mijal attampang 7 bajimangni somoio rim∙e Forest Department ni jako gari baksa bolrangko pakwatange niamgita kam ka∙china NGO dolrang didiangaha ine janapataha.
Ia kamko adita NGO dolrang jekai A∙chik Association for the Protection of Environment (AAPE), United Garo Peoples’ Forum (UGPF), All A∙chik Youth Federation (AAYF), Federation for A∙chik Freedom (FAF) aro adita manderangni bakrime kam ka∙anichi chu∙sokatna man∙angaha. Badingsrukanio jak donggipa manderangko NGO dolrang Damalgre pulis station o badi ka∙doangaha aro raka ja∙kuko de∙angchina didiangaha.
