Tura Dermile, Reserve gittim Zone 2 o mikka jimbee wae a∙arang nom∙ani a·selo da·al pringni 8:30 bajimango nok ge·sako a·a rurongdape nokko nosto ong·aona sokataha ine koborna parakataha. Koborko man·ani gitade nokni manderang chu·gimik sak 6 mang gnang aro uamang salantio kam ka·rong bewalgita kamrangko ka·engmiting somoio uamangni nok kosakchipakni a·arang rang·san rurongbaaha ine parakataha.
Ia obosta ong·anio nok nosto ong·an baksana a·a rurongdapani a·sel adita nokni manderang saknaa aro mata bu·ako man·aha ine u∙ina man∙aha. Ia a·selo ga·akgipa nokdangni ma·gipa aro demechik bilongbate saknaako man∙bataha ine Ku∙rongdik kobor ra∙timgipana parakataha. Nokdangni manderangko bakan Tura, Civil hospital-ona ra·ange sanna bannaniko dakangenga ine u·iataha.
