A∙doko National Education Policy (NEP) 2020 ko ra∙gatna ma∙mong sorkarioni Pradhan Mantri Uchchatar Shiksha Abhiyan (PM-USHA) nigita dakchakaniko man∙anggen ine Education Minister Rakkam A. Sangma kobor ra∙timgiparangna parakangaha. NEP ko ma∙mong sorkarionin ra∙gatahani gimin ra∙galna man∙jawaha jekon PM-USHA nigita rika cho∙ani kamrangko ka∙na ma∙mong sorkarioniko dakchakaniko ra∙na MoU soi ka∙grikaha ine Sangma aganangaha. Bang∙a college rango dam 500-600 mangna skigipani kamrangkoba nakatataha ine Sangma agandapangaha.
NEP ko a∙doko ta·rakbee ra∙gatanio rika cho∙anina dakchakaniko man∙a jajrenganian MCTA dolrangni mongsongbate ra·chakna man·gija jegalenggipa ong∙a. MCTA ni jegale sing·anina, skigipa sakantian chatro chatrirangna namgniko ra·bana aro uamangni namgnina kam ka∙na mikkang niteani dongna nangja ine Sangma aganchakangskaaha. Unbaksana ian a∙dokni chatro chatrirangna namgniko on∙gipa ong∙gen ine Sangma agandapangaha.
