District Horticulture Office (DHO) Resubelpara-ni Jonglapara songo sin·kario ge·gipa me·su bitchilrangko game ge·e cha·enggiparangna suale on·angaha. Ia somoio Rashtriya Poshan Maah (RPM) ni ning·o Nutrition Garden ba be·en bimangna namgipa aro rongtalgipa me·surangko ge·e cha·nagitaba dakmesokangaha.
Ia baganrangko dakani miksonganiara noktangtango be·enna namgipa cha·a ringanirangko man·an baksana nokdango tangka paisani man·gniko bariatna dakchakani cholrangko on·ani ong·a ine Horticulture ni official rang agantalate on·angaha. Nokdangni manderangna mongsongbate ma·gipa aro bi·sarangna komibeoba 150-200 gm rangnigita tangsekgipa mesu samjakrangko aro gitalgipa biterangko salprako cha·na nanganiko chu·sokatna man·aniba ong·a ineba u·iatangaha.
Ia program o bakko ra·gipa man·a kragipa nokdangrangna sin·kario ge·gipa me·su bitchilrangko sualangaha aro uarangko ge·e bang·bate biterangko man·ani cholrangko a·palrango ge·a gamaniko dake mesokangjolaha.
