Da∙al salni bako NH-51 REBELS dolrang Turaoni a∙bachenge Chokpot-ona, cholgrigipa manderangna on∙gilaniko dakna miksonge bikeo saljomanganiko dakangaha. NH-51 REBELS dolrang uamangni gitcham President Dr. Blizzard R. Marak sagini janggi tanganiko gisik ra∙ani chin gita Chokpot ni Rongma Kakija songona re∙ange adita bosturangko chong∙motan sin∙kario ganna chinani aro andap pindapani ba∙rarang, bi∙srangna sechakani lekka ki∙tap, rongrang aro kal∙ani bosturangko ra∙ange songni bi∙sarangna suale on∙angaha.
Batanggimin 2008 bilsioni NH-51 REBELS dolrang a∙bachengbae, songsalni namgnina aro cholgrigipa manderangna on∙gilaniko dakrongbaenga.
