West Garo Hills a∙jana National Food Security Act 2013 ni ning∙ao District Grievance Redressal Officer (DGRO) na seokgimin bimingko da∙al salni bako parakataha. DGRO ni kamko jako ra∙e ka∙angnagita West Garo Hills a∙jani Additional Deputy Commissioner, Annie Valentine D Shira seokako man∙angaha.
A∙jao ba songo noko chagrongenggipa neng∙nikanirangko u∙iatna nangnikgenchim ong∙ode uni email id [email protected] ona chittirangko see watatna aro 9436160250 number ona ka∙e kobor on∙atna gitaba man∙gen ine u∙iataha. Ian neng∙nikanirangko sorkariona sepangbate sokatna aro manderangna dangdike on∙anio cholrangko am∙sandie a∙jako namdapatani daito ong∙a.
