Robibar salni bako Meghalaya Cricket Association (MCA), BCCI ni bilsi 23 ni ning∙o ong∙gipa me∙asarangni State A Trophy Cricket Tournament o kal∙na sak 15 seoka man∙giparangoni A∙chik kal∙giparangba seokako man∙angaha. Meghalaya chang dok dake kal∙anggen jean Chandigarh a∙dok-o October 28 tarikoni a∙bachenggen. MCA gipin a∙dokrang jekai Uttar Pradesh, Rajasthan, Assam, Andhra Pradesh, Bengal aro Railways rang baksa susaanggen jean Meghalaya na namen bil rakgipa dolrang ong∙enga.
Ia tournament na re∙baenggipa October 15-24 tarikoni kal∙susaanio bak ra·na chu∙gimik tarisamsoanirangko dakangna tik ka∙angaha. Meghalaya dolna seokgimin kal∙nagiparang Appante Waldora A. Sangma, Agreas Chamcham A. Sangma, Abhishek Gupta, Nishanta Chakravarty, Manish Sharma, Md Asif Khan, PM Santhosh, Aaron A Nongrum, Badonnam J Mylliemngap, Joydeepan Deb, Sudhir Sahani, Kevin Sanjeev Christopher, Raghav Magotra, Aryan Borah aro Sachin Kumar ong∙a. Dolni bako gipin kal∙na seokgiminrang Mrinal Das, Wankitlang Nongpluh, Abhishek Kumar, Kush Agarwal ong·a.
MCA dol 28 October tariko Uttar Pradesh baksa kal∙anggen, 30 October tariko Rajasthan baksa, November 1 tariko Assam baksa, November 5 tariko Andhra Pradesh baksa, November 7 tariko Bengal baksa aro November 7 tariko Railways baksa kal∙angskagen.
