Garo Hills ni bang·a bakrango Gandhi Jayanti ko gisik ra∙anigita dingtang dingtang a·jarango da·al salni bako rongtal an·talataniko dakangaha. Ia ku·monge kam ka·anio dal·a aro chona sakantian ong·katoke gittimtangtangko, bajar antirangko, songnokko, office aro uandake wilwilao donggipa biaprangko rongtalatangaha. Ian Swacch Bharat Mission ni Swaachhata Hi Seva Campaign ni bak ong·a jekon adita salrangna skangan bang·a a·jarango dingtang dingtang kal·susaani aro rongtal an·talatanirangko dakangtokaha.
Ma∙mong Sorkarioni October 1 tariko Swachh Abhiyan, Shram Daan program ni gita konta sana dakchina didiatgenchimoba neng·takani aro olakkiani sal ong·ani gimin October 2 tariko Garo Hills o dakangskaaha. Ia Shram Daan program o ” Ek Tarikh, Ek Ghanta, Ek Saath nisan ko done Gandhi Jayanti ko gisik ra∙aniko dakna aro a∙songni pagipana on∙gilaniko dakskaani ong∙gen ine janapangaha. Donsogimin salo India a·songni gipin a·dokrangoba ia apsan kamko ka·angtokaha jeon jabolrangko kraa bewalo galchina aro samtangtango donggipa biaprangko rongtale rakkichina ma·mong sorkarioni dingtang mancha didiatani ong·a.
