Garo Hills ni bang·bata a·jarango October 2 tarik Gandhi Jayanti ni salo Marathon Run ko ong·ataniko nikangna man·angaha. Ia Marathon Run ko bang·a a·jarango jekai Tura, Williamnagar, Resubelpara, Ampati aro uandake gipin a·jarangoba ong·atangaha. Ia salo dingtang mancha jabolrangko name galchina aro rongtal an·talaniko ja·rike samtangtango donggipa biaprangko rakkichina mikrakatanikoba on·angjolaha.
Ia somoio dingtang dingtang bilsini manderang re·bae bakko ra·angaha aro gisiko nangbee donsogimin biaprangona matchote kataniko nikangaha. Tura sonjinmao kataniko PA Sangma Sports Complex oni a·bachengate Pelga Dare sepangoni katbapilataniko dakangaha. Apsan daken Resubelpara songjinmaoba District Administration aro Municipal Board ni bakrime ong·atanggipao sak 500 mangna bate bak ra·giparangko nikna man·aha.
A·ja antio bakko ra·e chegiparangna adita boksisrangkoba on·angaha aro mikkangchi be·en bimangko an·seng baljoke aro mangrake rakkiani gamchatanikoba ku·pattie on·anganiko dakangaha. Unbaksana da·al salo bang·a Garo Hills ni bakrango an∙tangtangni gittimrangko rongtal an·talatanikoba dakangaha.
