Adita gittimrango municipal nigita jabolrangko galchakna biaprang dongjani a·selo namen nitogijaniko aro sengbeaniko man·e manderangna neng·nikanirangko on·enga. Ia jabolrangko galchakna biaprang dongjani a·selo bangbango manderangni jabolrangko tom·dake dongipako ramarango rogipa achak ba gipin matburingrang bale cha·e jabolrangko pipraatronga. Indake pipraatani a·selo jabolrang namen biaprangko mitchiataona aro chaktogija sengaona sokatronga. Una agreba ia jabolrang mikka waani somoirango chi baksa joksolange sepangjolo donggipa chiring chibisikrangko nisiatanionaba ra·baronga.
Indakgipa obostako chagrongna nangjanagita aro samtangtango donggipa biaprangko rongtale rakkina man·agita rongtal an·talataniko jako ra·e kam ka·gipa department rang namedake nirok simsake Turani kona noksikrangona re∙e jobolrangko chimonge galchakram biapona ra∙angna kamrangko ka·angna rake ja·ku de·angna nanggen.
