Re∙anggipa September 27 tariko GSU Chokpot Regional Unit puonaniko ong∙ate gital dilgiparangko seokangaha ine koborna parakataha. Puonanio susagiparangoni President ni biapko jako ra∙e kam ka∙na Jish A. Sangma ko seokangaha aro Secretary ni biapna Spencer R. Sangma ko seokangskaaha. Vice-President na Chengbirth M. Sangma aro Dingrak R. Marak sakgniko seokangaha. Assistant General Secretary ko jako ra∙e kam ka∙nagita Saint Lawrence T. Sangma aro Nangrimwell T. Sangma ko seokangskaaha. Apsan daken dingtang dingtang gadangni kamrangnaba adita manderangko seokaniko dakangaha jemangan re∙baenggipa salrango GSU Chokpot Regional Unit ko jako ra·e re∙dilangskagen.
Seokako man∙gimin GSU ni gital dilgiparang uamangna puongipa sakanti chatro chatrirangko mittelangan baksa mikkangchi a∙dokna aro jolni manderangni namgnina kang·kare kae dangdike on∙angna ku∙mikchetangaha. Ia gital seokako man∙gipa dilgiparang ru∙utgijaan GSU office o an∙tangtangna tikatgipa kamrangko ka∙na a∙bachenganggen ine unit ni gital seokako man∙gipa General Secretary Spencer R. Sangma parakataha.
