A∙doko banggriani somoirango naljoke rakkina gita tarisamsoani bidingo Revenue aro Disaster Management ni Commissioner Secretary Sanjay Goyal, October 3 tariko jinma baksa nipilange chanchirimaniko dakdilangaha. Gitchambegipa nokrangko a∙ja antio simsakaniko dakna nirokgiparang gnang aro somoigita naljokataniko nanggipa rika cho∙anirangko am∙sandianiko dakrongenga ine Goyal kobor ra∙timgiparangna parakangaha.
Meghalaya Disaster Management nigita a∙dokni dam chi∙gni a∙jarango re∙baenggipa October 12 tariko banggriao a∙sel ong∙aoni naljoke dongna tarisamsoanirangko dakmesoke mesokanggen ine Goyal parakangaha. Unbaksana Meghalaya damsa banggriao nangchakronggipa biap ong∙e banggriaona sokna amgipa a∙dokba ong∙a ine ua agandapangaha.
