North Garo Hills a∙jani Kantolguri Secondary School-o Sankalp Saptaah ni bak gita Swasthya Mela ba Health Mela ko Mongolbar salo ong∙atangaha. Ia tom∙anio bang∙a a∙jani manderang bak ra∙angaha jeon an∙o donggipa ma∙giparangna aro Anemia ba an∙chini gita bilgrie sagiparangna sanna bannaniko dakangaha.
Unbaksana bi∙sarangko nanggipa bijirangko su∙anganiko dake, non-Communicable disease (NCD) ba batrorogijagipa sabisirangkoba porikka ra∙e nianiko dakangjolaha. Indakgipa Health Mela rangko ong∙ate Health department na dangdike on·giparang manderangni an∙seng baljokaniko rakkina dakchaknagita dingtang dingtang biaprangchi re∙e sanna bannaniko dakangenga.
