A∙doko mikkarang jimbee waani a∙selo Ganol dam ni chirang nanganabate tang∙dogenchimode, chimonggimin chirangko rang·gitik wate galna nangnaba donga ine WGH a·jani Deputy Commissioner aro District Disaster Management Authority (DDMA) ni Chairman Jagdish Chelani u·iataniko on·angaha.
Ganol dam-ni ka∙mao songdongenggipa songni manderangko an∙tangtangna simsake aro mikrake dongpachina DC mol∙molaniko on∙angaha. Unbaksana u·isamsona amgijagipa a∙selorangoni naljokna man∙agita chi rikamoni ba chiringrangoni chel·e dongnagita ge∙etaniko dakangaha. Apsan daken bijoli krong ba power line-oni simsake dongchinaba DC u·iatangaha.