Sikkim a∙doko rang∙san mikka jimpretani a∙sel chi dal∙anichi bang∙a nok gamjin aro rika cho∙anirangko nosto ka∙angaha. Chi jokbaanirang bilsuani a∙selo Teesta Dam ko pe∙angnaita man∙e chibimarangoni chi joksole wilwilao donggiparangko nosto ka∙anikoba niknagita man∙angaha.
Ia a∙sel ong∙anio sipai dolrangoni sak 23 manderang chi bilakanichi man∙paka man∙e siangaha aro bang∙a manderangni janggirangba gimaangaha. Una agreba gimae dongenggipa manderangni manggisirangkoba Disaster Management dolrang sandianiko dakangkuenga ine u∙inagita man∙aha.
