North Garo Hills a·jani Anti Narcotics Task Force (ANTF) unit ni District Executive Force (DEF) dolrang kakketgipa koborrangko man·soe, rim·chipa gnang saksa mandeko da·al salni bako rim·aha.
North Garo Hills DEF dolrangni potchipe rim·gipa mandeara Tura Spring Hills ni Benfield M. Momin sagini depante Helliel K. Sangma ong·a. Pulis dolrang kakketgipa koborrangko man·soe am∙sandianirangko dake Helliel niko 3.4 gram mang ong·gipa pekatgipa bostu heroin baksa rim·a man·aha. Rim·a man·gipa mandeko Narcotic Drugs & Psychotropic Substances (NDPS) act ni ning·o pangchake kraa sastirangko on·anggen ine NGH pulis dolrang parakataha.
