Sikkimo songdonggipa Meghalayani manderangna helpline numberko jakkalna a∙bachengata

Sikkim a·doko mikka jimbee waani a∙selo neng∙nikanirangko man∙engani bidingo a∙sel ong∙enggipa biapo dongenggipa Meghalayani manderangna dakchakaniko on∙agita Helpline number 1800-345-3644 ko jakkalna a∙bachengataha. A∙dokni poraienggipa chatro-chatrirang aro songdongenggiparang on∙gimin helpline number ona a∙selko chagrongengani bidingo uamangni nangani somoio phone ka∙e dakchakaniko am∙nagita man·gen ine u∙iataniko on∙angaha.

A∙sel ong∙anio nangchongmotgipa neng∙nikanirangko janapatna gita on∙sogimin officer rang jekai Higher and Technical Education ni Additional Director A. Ali na uni phone number 98630 63305 ona aro Higher and Technical Education ni Deputy Director F.B Ramsiej na uni phone nombor 7005037347-ona ka∙e janapatna gita man·gen ine u∙iataniko on∙angaha.