Entrepreneurship Development Workshop ko Tura Government College ni Auditorium-o mijal salni bako ong∙atangaha. Ia workshop ko Rashtriya Ucchatar Shiksha Abhiyan ni dakchakanichi RUSA Institutional Committee, Tura Government College o ong∙atanagaha.
Salsana ong∙atgipa workshop-o sak 300 mangnigita dingtang dingtang stream-o poraienggipa chatro chatrirang bakko ra·e skie ra·angaha. Ia workshop-o Tura-ni District Commerce & Industries Centre ni Functional Manager, Frederick A. Sangma mongsonggipa skigipa ong·e bading chiwale cha·giparangni dakna nanggni kamrangko agantalatangan baksana dingtang dingtang sorkarini on∙gimin scheme-rangni bidingo mikrakataniko on·angaha. Unbaksana bading chiwale cha∙anio a·bachengna sorkarioniko tangka paisarangni gita dakchakaniko man·ani bidingoba chatro chatrirangna talate on·angjolaha.