Da∙al salni bako Wadanang Baptist Church Youth Ministry ni chadamberangna janggi tanganio neng∙nikanirangko chagrongani somoio chena man∙agita ku∙pattie on∙ani programko ong∙atangaha.
Ia skie on∙aniko Wadanang Baptist gilja noko dakangaha. Ia program o Tura Baptist Church ni Assistant Pamong Rev. Nicky N. Sangma chadamberangna janggi tanganio dingtang dingtang neng∙nikanirangko man∙ani somoio dakmajoanirangko chena amnagita nambee ku∙pattianirangko on∙angaha. Ia tom∙anio gisiko ding·chaoanirangko ka·sinatna, saksan gisiko aro chanchianio bilgrie parakna man∙gija neng∙skime dongenggiparangna ku∙pattianiarangkoba on∙angaha.
