South West Garo Hills District Administration aro Meghalaya Basin Management Agency (MBMA) nangrime October 6 tariko Tribal Artisans Empanelment Mela ko Ampati o ong∙atangaha. Ia programko ong∙ate dingtangmancha a∙jani ning∙ao dongenggipa sol∙na repna, watna chengna, sikna kona sapgipa manderangna aro dingtang dingtang bosturangko jaktangchi tarie pala simaniko dakenggiparang bading chiwalaniko tang∙doatna miksonge ong∙atangaha.
Iako ong∙ate uamangni tarigimin bosturangko mesokangasan ong∙aigija ia kamrangna bakrimpaaniko on∙e didianiko on∙a re∙mikkanganiba ong∙enga. Ia programo a∙jao songdongenggipa manderang an∙tangtangni changa sapaniko dakmesokangna cholko man·an baksa uamangni tarigimin bosturangkoba TRIFED Extensive Network ni gita palna simna dakchakaniko man∙angaha.
Ia programo a∙jani Additional Deputy Commissioner RZ D. Shira, DRDA ni PD, ADC, Y W. Momin, TRIFED Head office ni General Manager Col. Sayam Kashyap, TRIFED ni Regional Manager Pamthing Keishing, TRIFED ni Senior Program Executive Asif Ekbal Hussain aro adita department rangni dilgiparang dongpae bakko ra∙angaha.
