Da∙al salni bako Tura Chandmari kal∙chakramo Reliance Foundation Youth Sports ni gita robol kal∙susaaniko a∙bachengate on∙angaha. Ia kal∙susaanio bilsi 15 ong∙gipa me∙a aro me∙chik bi∙sarang aro bilsi 19 ong∙gipa me∙chikrang bak ra∙e kal∙susaaniko dakanggen.
Ia kal∙susanio Turani adita skul rang jekai St. Xavier’s School Tura, Christian Boys School Tura, Monfort School Dilne Gambegre, St. John’s School Chibagre, Monfort School Tura , Sherwood School Tura aro Don Bosco Higher School ni bi∙sarang bakko ra∙angenga.
Da∙al salni bako skanggipa kal∙susaanio St. Xavier’s aro Government Boys Higher Secondary School ni gisepo kal∙anio Government Boys School goal 7 chipe chegipa ong∙aha.
