Garo Hills o ge∙sa gamchatbegipa bida pakwatchakram a·damo poraienggipa Tura Government College Student Union (TGSU) ni dilgiparangna pu∙one seokaniko mijal salni bako ong∙atangaha. Ia pu·onaniona college ni bang∙a chatro chatrirang uamangni dilgiprangko seokna bak ra∙aniko nikangaha. Dilgiparangko pu∙one seokna chu∙gimik sak hajal 1355 chatro chatrirang an∙tangtangni namnikgipa mandena uamangni chakpaaniko on·e seokangaha.
Ia pu∙onanio susagiparangoni Rangku B. Marak President ni biapna seokako man∙aha, Rakseng R. Marak Vice President, Sengkan M. Sangma General Secretary aro Cunningbirth Ch. Marak ko Assistant General Secretary ni biapna seokangaha. Apsan dake Jasper M. Sangma Games & Sports ni Secretary, Literary & Symposium ni Secretary na Rakrim G. Marak, Social & Cultural Secretary o Levio D. Marak, Social Welfare Secretary Tengrimbirth R. Sangma iamang janapgimin a∙bao jako ra∙e kamko ka∙na seokako man∙angskaaha. Uandaken Mathew G. Momin ko Boys’ Common Room ni Secretary aro Gamsatchi S. Sangma ko Girl’s Common Room ni Secretary na seokangangaha.
