East Garo Hills, Williamnagar songjimani Model Farm, Terrace Gittim o Meghalaya Basin Development Agency (MBDA) nigita salbrina ong∙atgipa Residential Training Program name matchotangaha. Ia programo MegLIFE project ni dam 29 Village Community Facilators (VCF) dolrang Dambo Rongjeng aro Songsak ni palo re∙baaha unbaksana tokgnigipa MegLIFE ni gipin VCF dolrangba bakko ra∙angaha.
Salbrina ong∙atgipa ia training programo uamangna chasong gitalni cholrangko chong∙motan Management Information System (MIS) ni bidingo talate on∙angan baksa tangka jakkalaniko see rakkiani aro songsalo kam ka∙ani niamrangko ja∙rikani bidingo skie on·angaha. Indakgipa programrangko ong∙atanichi MBDA dolo ka∙enggiparang an∙tangtangna changa sapaniko man∙dapan baksa ia kamrangchi songsalo dingtanganiko nikna man∙enga ine MBDA nigita parakataha.
