Re∙baenggipa October 12 tariko, banggriani aro a∙a ruronge a∙sel ong∙ani somoirango dakna nanggipa kamrangni bidingo ranta ka∙aniko ong∙atna skang District Incident Response Team (IRT) dolrangna tarisamsaogita agantalate on∙aniko SWGH a∙jani DC RP Marak DRDA Conference Hall o dakdilangaha.
Ia ranta ka∙aniko State Disaster Management Authority (SDMA) aro National Disaster Management Authority (NDMA) bakrime a∙dokni adita bakrango ong∙atangna tik ka∙angaha. A∙doko bang∙bata changon ong∙telaigipa a∙selrang sokbaani somoirango tarisamsoanirang dongjae neng∙nikaniko man∙rongani gimin ia ranta ka∙aniko dakange IRT dolrangna skie on∙a miksonge dakangenga. Ian a∙ja antio a∙sel ong∙anio nambata ja∙kurangko de∙e aro changa sapaniko skie on·e manderangko naljokatna dakchakbeani ong∙anggen.
