Bangladesh sima ari oniko Border Security Force (BSF) aro pulis dolrangni am∙sandianichi October 10 tariko mang 22 matchurangko naljokatna man·aha ine koborna parakataha.
Koborangko man∙soe Meghalaya pulis aro sima ario chelchakgipa dol nangrime am∙sandianichi South Garo Hills a·jani Sibbari songoniko badingsrukna ra∙angenggipa mang 22 matchurangko rim∙na gita man·aha ine u∙iataha. Rim∙a man·gimin matchurangko sepangbatgipa pulis station ona niroke kamko ka·angna gita pakwatangaha ine parakataha.
