Mijal salni bako Chokpot jolni adita nangrimgimin NGO rang jekai Garo Student Union, CAVC, FKJGP, AYWO, AHAM aro GSMC dolrang bakrime Chokpot jolni neng∙nikani aro nanganirangko tal∙bate u∙ina tom∙e chanchirimangaha. Ia tom∙bimonganio Chokpot jolo chagrongenggipa neng∙nikanirangko namdapatna aro namroro silroroaniko ra·banagita miksonge chanchirimangaha.
Tom·aniona sokbagipa adita NGO rang mikkangchi ku∙cholsan ong·e manderang baksa aro sorkarini adita department ni dilgiparang baksa bakrime Chokpot jolko namdapatna kamko ka·na ja·ku de·anggen ine Chokpot Regional Unit GSU ni President Jish A. Sangma koborna parakataha.
