Israel a∙songko nina re∙anggipa Meghalaya a∙dokni sak 26 songreanggiparang aro Rajya Sabha ni MP WR Kharlukhi, a∙dokona adita salrangni gisepon sokbapilgen ine a∙dokni Deputy Chief Minister Sniawbhalang Dhar mijal salni bako koborna parakataha.
Batanggimin October 8 tariko a∙dokni Chief Minister Conrad K. Sangma, Israel a∙songo so∙sojengjeng ong∙ao jachange dongenggipa Meghalaya a∙dokni manderangko a∙sel ong∙enggipa biaponi Egypt a∙songona sima ariko batatnagita man∙aha ine koborna parakataniko dakangaha. Ia obostarangoniko naljokatna mnisalo uamang sima ariko name batsotna gita man∙aha aro Chief Minister an∙tangan jako ra∙e jotton ka·e ia kamko gisiko nange dakdilanichi adita salni gisepon jachange donggipa manderang a∙dokona sokbapilaniko niksonagita man∙genok ine Dhar parakataha.
