Garo Autonomous Council Demand Committee (GACDC) da∙al salo Assam a∙dokni Bakrapur songo, jatni nanganirangna kim·kime re∙mikkanganiko mesokna mongsonggipa tom∙aniko ong∙ataha. Tom∙bimonganiona sak hajal 10 mang A∙chikrang ku∙cholsan ong∙e chakpaaniko on∙a sokbatokaha.
Tom∙bimonganio golpo chanchirimaniko dakangengon GACDC ni dilgiparang Garo Autonomous Council ko on∙china dabianiko rakbate dakangna miksonge re∙mikkanganiko ra∙chakangaha. Uamangni nangnikaniko sorkari knachakja dipet dabianiko dakangkuaigen ineba uamang janapangaha.
Ia somoio jinma mikkangchi re∙mikkanganiko chanchirimanian jatni ku∙mong nangrimaniko mesoka aro A∙chikrangna on∙gimin bilko jakkalani ong·a. Ian jatni namgnina, silroroanina dakchakasan ong·aigija A∙chikrangni gunkoba a·gilsakna parakatani ong·a ine GACDC dolrang parakataha.
GACDC dol da∙al salni tom∙bimonganiona re∙bagipa sakantikon aro bang∙a dolrangni dilgiparangko krimkro ku∙cholsan ong∙aniko mesokanina mittelpilskaangaha.
