Tura Dobasipara Songgital oni Balsrigittim ona re·gipa ramarang namjaengahani gimin ua jolo songdongenggipa manderangna aro ia rama gita garirango re∙ruraenggipa manderangna neng∙nikaniko on∙enga ine suk ong·gijaniko parakataha. Ia bilsini gisepo mangmangsan ia ramako taridapaniko dakgenchimoba ru∙utgija somoini gisepon nosto ong∙taipilaha, unbaksana rama apchonani a∙sel re∙ruraanio neng∙nikanirangko man∙enga ine songdongenggipa manderang Ku∙rongdik na parakataha.
Ramako tarianio interlocking block rangko anne taridapgenchimoba name mangrake tarijani a∙sel ru∙utgijan tang∙galpile nosto ong∙e donganirangko nikna gita man∙enga. Ia neng∙nikanirangko ru∙uta bilsirangonin apsan daken chagrongbaengani gimin je contractor-an jako ra∙e ia ramako tariahachim, name taripiltaie on∙chinagita jolni manderang janape mol·molangaha.
