Tikrikkila Block ni ning·o ong·gipa Bollongitok songo Integrated Village Co-operative Society (IVCS) nigita, jila kaanirang aro dingtang dingtang a·bao bading chiwale cha·ani cholrangni bidingo mikrakate aro skie on∙ani program ko Bollongitok Community Hall o ong·atangaha. Ia program o songni Nokma, ma·a paarang aro bang·a chadamberang bakko ra·angaha.
Ia awareness program o society rangko a·bachengna aro society ko kulie sorkarini on·gipa dingtang dingtang scheme rangnigita an·tangtangni bading chiwale cha·anirango man·gniko bariatna, tang·doatna aro nambata gadangona ra·donagita man·ani bidingo bakko ra·giparangna agantalate on·angaha.
