A·dok sorkari pekgipa bosturangko jakkale be·en bimang nosto ong·e gelna man·gija dongenggipa manderangko sanchakna a·dokni dingtang dingtang bakrango dam 10 gitalgipa rehabilitation centre ko rike on·angna miksongenga ine Social Welfare Minister Paul Lyngdoh parakataha.
Me·chikrangni gisepoba pekgipa bosturangko jakkalani batroroengani gimin, ia dam 10 gitalgipa rehab centreko rikanio me·chikrangnaba rike on·angna miksonganiko Lyngdoh janapangaha. Rehabilitation centre donggiparangna gamna nangani bidingo sing·aniko dakon, a·dok sorkari jako ra·e kamko ka·gipa dolrangnigita tangka paisarangko ia centre rangna chamatgen ine Lyndoh aganangaha. Ia gitalgipa rehab centre rangko rikanio tangka paisarangko jakkalsretjachinagita nirokgipa dolrangko donanggen ineba parakataha.
