Tura ni Hawakhana o LED bulb rangko tarichakram biapko Chief Minister Conrad Sangma da·al salni bako oprake on·angaha. Ia bulb rangko tarichakram biapko Global Himalayan Expedition (GHE) Impact Ventures rang a·dok sorkarini dakchakanichi chalaianiko dakangenga. LED bulb ko tarichakgipa biaprangko a∙jao a∙bachengatanichi mikkangchi bijolirangko jakkalanio buring bilgrimko nosto ka∙gija jakkalangna dakchakbeani ong∙gen ine CM aganangaha.
A·doko LED ko tarichakram biaprangoni Tura on skanggipa changna a·bachengani ong·enga aro ian a·dokni gipin biaprangnaba namgipa dakmesokani ong·anggen ine CM janapangaha. Da∙o dipet ia LED ko tarinagita GHE Impact Venture sak 85 chadamberangko rakkie kamrangko ka·atenga ine parakataha.
