Re∙baenggipa 2024 bilsio Meghalaya Game sko ong∙atnasienggipako sokachakna Tura-o track & field stadium rikenggipako da·al salni bako Chief Minister Conrad Sangma baditana kingking kam ka∙anirang matchotaha uko re∙ange nirokaniko dakangaha. Ia stadiumko tarianio jako ra∙e kam ka∙enggiparangni bimchipe aro gisiko nange kam ka·anirangko nike December jao matchotatna ka·dongsoenga ine Conrad Sangma parakangaha.
Meghalaya Games 2024 ko January 15-20 tarikona ong·atnasienggipako ia kal∙chakram biapo sokachake kal·atnagita tik ka·angaha ineba Sangma janapanga
