Bajengdoba police station ni ning∙o ga∙akgipa Tatolgre songni Bolrimil chiring jolniko ma∙sina man∙gijagipa mande saksani manggisiko October 12 tariko North Garo Hills a∙jani pulis dolrang man∙aha ine koborna parakataha. Manggisiko nikeanigitade ia mandeko so∙ote galangaha ine pulisrang chanchichipa gnang parakangaha.
A∙jani Magistrate manggisiko man·gipa biapona re·ange nian baksana porikka ra∙e nianikoba dakataha, ma∙sina man∙kugijagipa sigipa mande longpant aro chola gisimko gana aro uni changroa 5.5 ft mang ong∙a ine parakataha. Sianggipa mandeni bidingo u∙ina rake kamrangko ka∙enga aro a·sel ong·ani chong·motgipa ja·pang ja·dilrangko am·sandianiko dakangenga. Saniba nokdango mande gimae dongenggiparangko ma∙sigenchimode pulisrangna kobor on∙china songni manderangna u∙iatanikoba dakataha. Police dolnigita ia a∙sel ong∙aniko mokordoma ka·angaha aro name am·sandianiko dakna a∙bachengataha ine parakangaha.
