Songko nokko rongtal an∙tale rakkina gisiko nange kam ka∙ani brigipa phase-o Turani Balsri A∙ding, Spring Hills, Noksik Gittim, Cherangre, Police Reserve, Chakugitok aro Upper Babupara gittimrang uamangni gittimtangtangko rongtal an∙tale rakkianina tangsek aro tangsim jabol galchakgipa bosturangko Tura Municipal Board nigita on∙angaha.
Tura songjinmako rongtale rakkina Municipal Board nigita rakbee kamrangko ka∙engon, songni nokni manderangna rongtale dongani gamchataniko u∙iataniko on·an baksana uamangni gisiko nange kam ka∙anirangna boksisrangko on∙anganichi gipin gittimrangnaba namgipa dakmesokaniko on∙e gisiko nange ka∙angpachina didianiba ong∙enga.
