WGH Selsella C&RD Block o Army ni a·bao dangdike on·a jolni chadamberangna sal gittam na ong·atgipa Coaching cum Career Guidance program ko mijal salo bon∙kame ong·atangha. Ia programko West Garo Hills ni Additional Deputy Commissioner Planning department Army ni a∙bao dangdike on∙a gisiko nanggipa chadamberangna agantalate skie on∙angna ong∙atangaha.
Sal gittamna ong∙atgipa skie on∙ani program o Central Armed Police Forces (CAPF) aro Indian Army o dangdike on∙a baseani cholrangko agantalate on∙angaha. Ia programko chadamberangna mikkangchi janggi tangna cholko baseanio armyni a∙bao dangdike on∙angna man∙a gita dakna nanggipa kamrangko mikrakataniko on∙angaha. Una agreba 120 Battalion, Central Reserve Police Force (CRPF) ni Officiating Commandant Puroshottom Joshi, an∙tangni kam ka∙anio nikaniko aro skie ra∙aniko aganparake on∙e programo bak ra∙gipa chadamberangko armyni a∙baona dangdike on∙a gisik nange re∙banagita didianganikoba on∙angaha.
