Re·baenggipa 16 tariko Garo Students’ Union Eastern Zone na dilgiparangko seokna susanasienggipa manderangni bimungko segatani salo chong·motan knal salo chel·chakgipa dolrangko on·a nanga ine Williamnagar District Magistrate na Chakseng Ch. Momin chitti sedoataha.
Uni chittiko sedoatani miksonganiara bimung segatna tik ka·e dongimin 14 tarikni salo GSU dilgipani biapna susaenggipa saksani kosako adita u·ina man·gijagipa manderang ong·gija dakna miksonge uko aro una chakgipa manderangko ka·mikenate ding·chaoanirang ong·aha aro bimung segataniko dontongatna nangao ga·akaha ine parakataha.
Indakgipa a·sel ong·anirangko champengsonagita aro pu·onanio susaenggipa manderang maming jajrenga gri bimungrangko segatangna man·a gita knal salo chel·chakgipa dolrangko on·china District Magistrate ko mol·molataha.
