Shillong Police bajar Thana road o donggipa building gesako wa∙al kame a∙sel ong∙anio saksa siaha ine East Khasi Hill ni District Police Chief Sylvester Nongtnger koborna parakataha. Ia a∙sel ong∙ani Janata Furniture building ko mijal salni 1:30 bajimango wa∙al kamaha ine parakataha.
Koborrangko man∙soani gitade sianggipa Bhanjalal ni Manager Sampath Kumar ong∙a ine parakataha. A∙sel ong∙ani somoio Bhanjalal bostu donchakram biaponiko bostu ra∙na re∙angani somoio dokkan nokko wa∙al kame wal∙kurangni a∙sel rang∙sitna man∙jae janggi gimaatna nangaha ine parakataha. Una agre ia a∙sel ong∙anio darangba saknaanirangko man∙jaha ine parakataha.
