Khasi Authors’ Society (KAS) dolrang Khasi ku∙sikko 8th Schedule o ra∙napchinagita re∙mikkangna aro a∙dokni mongsongbatgipa ku∙sik ong∙e jakkalnagita Chief Minister Conrad Sangma ko da∙al salni bako grongangaha.
A∙chik ku∙sik aro Khasi ku∙sikko 8th Schedule o ra∙napna dabianirangko dakengon A∙chik Literature Society (ALS) ko dabianirango bimchipe jak on∙pachina Khasi Authors’ Society (KAS) mol∙molaniko dakangaha. Meghalaya a∙doko kusikko ripinganio sorkarini dakchakgipa Khasi Authors’ Society aro Garo Hills ni A·chik Literature Society dolgni donga ine KAS ni President D R L Nonglait aganangaha.
8th Scheduleo ku∙tangko napatna gita KAS dolni skanggipa mangsongani ong∙a aro A·chik Literature Society, jattangni ku·sikko 8th Schedule o napatnagita miksongengon raka ja∙kurangko de·e re∙mikkangna nanggen ine didia gnang Nonglait aganangaha. Ku∙tangtangko 8th Schedule o napatnagita bakrime ku·cholsan ong∙e re∙mikkangna nanggen ineba ua agandapangaha.
