Jal Shakti Ministry, Drinking water department, Water Sanitation and Hygiene (WASH) dolni Dr. Dinesh Chand aro Dinesh Kumar Upadhyay re∙anggipa October 9-14 tarikona East Garo Hills a∙jaona re∙bae nirokeaniko dakangaha.
Antigimik uamangni nirokani somoio Dambo Rongjeng aro Samanda C&RD Block ni dam chi∙dok songrangona re∙roroe songrangna chi watanio baditana watenga aro chini rong∙talanirangko niroknagita re·baaha. Unbaksana Jal Jeevan Mission (JJM) ni ning∙o dangdike on∙enggipa Village Water and Sanitation Committee (VWSC) rangko songo chi wataniko nirokanio name kam ka∙angchina didiangjolaha. Ma∙mong sorkarini ra∙gatgipa kamnigita a∙jani nokdang antiona chirangko sokatna kam ka∙anio chu∙sokgipa ong∙aniko nike nirokegipa dolrang chu∙ongnikaniko parakangaha.
Nirokegipa dolrang a∙jani Deputy Commissioner Vibhor Agarwal baksa gronggrikaniko dake uamangni biapona re∙bae nikgimin kamrangni bidingo aro mikkangchi kamrangko nambata gadango ka∙nagitaba agangolpogrikanirangko dakangjolaha.
