Songsalni dingtang dingtang kamrangko ka∙na aro janggi tangani bewalrangko namdapatna Saansad Adarsh Gram Yojana ni bidingo East Garo Hills a∙jani Deputy Commissioner Vibhor Aggarwal, Line department ni dilgiparang baksa October 13 tariko chanchirimaniko dakangaha. Songsak C&RD block ni ning∙o ong∙gipa Gongrang VEC o chanchirimanio kam ka∙chakataniko dakna ge∙gni kamrangko ka∙naba on∙angjolaha. Skanggipa Manda chibimako dollong kabatna tangka gong crore sa na bate chamataha aro gnigipao Village Organisation office baksa tom·chakani nokko riknagita ge∙etanirangko on∙angaha.
Unbaksana Block Development Officer, DCIC, MSRLS, PSREF aro adita dilgiparang baksa Rongreng Chidekgre songni sol∙na repna changgipa manderangko gronge agangolpogrikaniko dakangjolaha. Manderangni sol·a repani a·bao gisik nangani batroroenganiko nike sorkarini gita dakchakanirangko on·a miksonganikoba parakangaha.
